Tingwalla, Orknoyggjar
Tingstaðirnir á Orknoyum eru heldur gátuførir. Fáar upplýsingar eru um teir, og tað, ið vit vita, stavar í høvuðsheitum frá gomlum søgum, tjóðminnum og heimildabrotum.
Read moreTing
Áðrenn vit høvdu lóggávuting okkara, áðrenn vit høvdu hægsta rætt, áttu vit tingini.
Ting, ið stavar frá norrøna orðinum þing, merkir samkoma ella fundarstaður, og tey vóru frá gamlari tíð eitt slag av rættarskipan og umsiting.
Tá ið fyrstu víkingar og norrøn niðursetufólk settu búgv á nýggjum stað, høvdu tey við sær siðir og rættarskipan. Tað var á tingi, at politiskar avgerðir vórðu tiknar, lógir hildnar uppi og trætur loystar. Hetta vóru eisini pláss, har fólk kom saman í heila tikið, og handil og átrúnaðarligt virksemi vóru í miðdepli.
Tingstaðir eru alla staðni, har víkingabúsetingar eru. Henda heimasíða rannsakar og greinar søgu og arv eftir hesar hugtakandi staðir (sites), og serligur dentur verður lagdur á siglingarleiðina hjá víkingunum vestureftir úr Noregi til Íslands, Føroya, Hetlands, Orknoyar, skotska hálandið og Man. Lond og støð, sum eru samstarvsfelagar í Skipanini hjá ES fyri útjaðaraøki í norðuri (EU Northern Periphery Programme), hava fíggjað verkætlanina, THING Project.
